„Гугл” ќе нè предупредува за земјотреси
Објавено во: Стил 30 Јуни, 2016
Компанијата ќе ни дава информации за катастрофи преку посебна картичка.
„Гугл" ќе ни дава информации за катастрофи, соопштија од компанијата. Ќе нудат податоци за земјотреси и за слични опасности.
„Сега луѓето кои чувствуваат потреси ќе можат да прашуваат директно, од „Гугл" и навремено ќе добиваат информации за катастрофата, која ќе им помогне да се избегне опасност"- се наведува во пораката.
Клучниот збор ќе биде „земјотрес", како и „земјотрес во близина", а податоците ќе излегуваат по приоритет. Во информацијата ќе излегуваат податоци за епицентарот на земјотресот, неговиот интензитет, погодените области, но и ќе се обезбедат совети за безбедност.
За разлика од досега ќе биде претставена специјална картичка, а исто така ќе се даваат и информации за последователни потреси. Иако идејата е добра сепак, експертите потсетуваат дека земјотресите тешко се предвидуваат.
