ГУЖВА НА ГРАНИЦА: На Богородица и Дојран се чека до еден час
Објавено во: Македонија 22 Јули, 2017
Гужва има на граничните премини кон соседна Грција.
На премините Богородица и Дојран утрoво за излез од државата се чека од 30 минути до еден час.
Од Авто мото сојузот на Македонија, информираат дека на граничниот премин Богородица се чека еден час, додека на граничниот премин Дојран околу 15 до 30 минути.
На останатите гранични премини нема подолги задржувања.
Интензитетот на сообраќајот на патните правци надвор од градските средини е зголемен.
Зголемената фреквенција на возила и патници е поради годишните одмори.