Хојт Ји во Македонија - формирањето влада во фокус на разговорите
Објавено во: Македонија 30 Април, 2017
Заменик помошникот државен секретар на САД за Европа и Евроазија, Хојт Брајан Ји, денеска и утре ќе престојува во Македонија и ќе се сретне со државниот врв и со лидерите на парламентарните политичките партии.
Ји ќе се сретне со шефот на државата Ѓорге Иванов, со лидерите на ВМРО-ДПМНЕ Никола Груевски, на СДСМ Зоран Заев, на ДУИ Али Ахмети, на БЕСА Билал Касами, со Весел Мемеди од Алијансата на Албанците и со Мендух Тачи лидерот на ДПА, и со претседателот на Собранието, Талат Џафери. Ова го соопштија од амбасадата на САД.
Според агендата, Ји треба да се сретне и со претставници на граѓанското општество и на дипломатската заедница.
Ќе се разговара за формирање влада, билатералните односи, и реформите потребни за евро-атлантска интеграција.
Предвидено е по средбите заменикот државен секретар Ји утре попладне да даде изјава.