ФОТО: Хрватски „паметни клупи“ се продаваат во САД, Катар…
Објавено во: Стил 17 Јули, 2016
Дваесет годишниот Хрват, Иван Мрвош од Солин ја создаде првата „паметна клупа“ во Европа.
Неговата „паметна клупа“ има соларни плочи, и може да полни мобилни телефони и таблети, а ноќе свети. Фирмата Include која се занимава со производство и продажба на вакви клупи ја создал пред две години и сега има успех.
Мрвош потпиша договор вреден 40 милиони куни. Со ова ќе продаде 2700 „паметни клупи“.
„Ова е резултат на долгогодишна работа и одрекување на 20 млади луѓе кои дадоа 100% од себе„ - вели момчето.
Вакви клупи се доставени во Катар, Австралија, САД и Швајцарија. Интернет има во радиус од 4 метри од клупата, а воедно истата клупа служи и за осветлување на просторот.
