Huawei P50 Pro нѐ воодушеви со камерата и естетиката. Каков е за работа и перформанси?

Добивај вести на Viber

Huawei се враќа во елитното друштво со новиот моќен, елегантен и ефикасен топ смартфон Huawei P50 Pro. По долго тестирање можевме да утврдиме со каква камера, софтвер и хардвер располага најновиот знаменосец. Huawei P50 Pro е смартфон кој одлично одговара на вашите потреби за работа, врвна фотографија и забава.

По речиси две години фановите на Huawei, иновативниот дизајн и моќната камера, повторно имаат избор од премиум модел од етаблираната P серија.

Исполнети желби

Во изминатите години речиси секој бренд се соочи со одредени пречки во пласманот на нови смартфони поради недостигот на чипсети и глобалната криза во синџирите на снабдување. Но, сега желбите на фановите се исполнети.

Huawei успеа да го склопи P50 Pro со осум-јадрен Snapdragon 888 процесор кој е доволно моќен за ефикасна работа и брзо завршување на обврските.

Смартфонот одлично функционира во различни сценарија. Како во текот на работниот ден, така и во моментите на забава.

Дисплејот од 6,6 инчи со 2K HD резолуција има стапка на освежување на сликата од 120 кадри во секунда. Резултатите се фантастични.

Сите содржини се прикажани со многу живост, богато изразени и пријатни за гледање детали, бои и контраст. Со леснотија се прикажуваат сите трансакции низ менито или апликациите, а мобилниот гејминг е вистинско уживање.

Отворени за работа

Читателите на Фактор сигурно ќе се интересираат колку Huawei P50 Pro може да биде бизнис смартфон со AppGallery.

Според нашите импресии во поглед на софтверот нема никакви недостатоци. Huawei ги обезбедува сите сервиси за работа, синхронизација на податоци и кориснички сметки, календар, меил, веб, белешки, комуникации и мултимедија.

Во AppGallery ќе ги најдете сите популарни апликации, а подобро и подетално пребарување за надворешни извори нуди Petal Search. Бројот на македонски апликации за банкарски, мобилни услуги и е-трговија е огромен, без видливи изостаноци.

За корисниците кои се навикнати на софтверското опкружување на Google исто така има решение. Инсталирајте Chrome и за останатите сервиси креирајте икони или „шоркати" на почетното мени. Пример ако се логирате на мобилните верзии на YouTube, Gmail, Drive, Keep и итн. со еден клик ќе може да продолжите да ги користите.

Нашиот севкупен впечаток за софтверот на Huawei P50 Pro е дека е многу подобрен, а тоа до израз доаѓа кога ќе синхронизирате повеќе Huawei уреди одеднаш, на пример ако поврзете Huawei Watch или Huawei MateBook.

Камера на следно ниво

Со Huawei P50 Pro дефинитивно ќе се подобри вашиот Instagram профил. Веќе не е ниту изненадување дека P50 Pro има фантастична камера.

Овој пат понудени се и неколку екстра додатоци како на пример супер х100 зум. Овој ефект е многу забавен и нуди одлични можности за супер зумирање со 12 мегапикселна телефото леќа со оптичка стабилизација на сликата.

Фотографиите слакани во затворено и со послаба светлина не се никаква пречка за моќниот сетап на 50 мегапикселната камера со оптика на Leica.

Ноќните фотографии ќе ве натераат често да експериментирате, не само со селфи или фотки за социјални мрежи, туку и со пејсажи и особено со изгледот на градските светла навечер.

Ноќниот режим на сликање нуди импресивни резултати без никакво заматување на сликите, деталите се импресивни, резолуцијата е „стакло", а репродукцијата на бои е врвна.

Разбијте ја монотонијата

Huawei P50 Pro плени со врвниот дисплеј и подобрувањата во камерата. Дизајнот е забавен, светкав и ексцентричен, па така сигурно со ваков смартфон ќе привлечете многу љубопитни погледи.

Изборот во премиум сегментот годинава и периодов не е воопшто лесен, особено со недостигот на чипсети што ги принуди производителите да направат повеќе компромиси, како во хардверот, така и во пласманот.

Сепак, Huawei P50 Pro е добредојдено освежување во се помонотоната мобилна индустрија кое може да одговори на потребите на премиум купувачите.

ПР објава