И ГЕРМАНЦИТЕ СЕ ЧУДАТ: Само една земја го покренува својот туризам

Добивај вести на Viber

Додека ширум светот, поради пандемијата на корона вирусот, важат предупредувања за сите видови патувања, без досега конкретен датум за можност за повторно слободно движење во различни дестинации, Црна Гора го покренува својот туризам, пишува денеска германски „Билд“.

Земјата не само што го рестартира својот туристички сектор, туку наведува и точен датум од кога се ќе биде подготвено за туристите.

-Од 4. мај, речиси се ќе работи повторно во Црна Гора, со задолжително носење на заштитни маски, а хотелите и рестораните ќе почнат да работат од 18. мај, пренесува „Билд“.

Во ова време на голема несигурност поради пандемијата, Црна Гора, според анализите на светските здравствени експерти е една од најделотворните држави и постигнува добри резултати во борбата против епидемијата, изјавила Жељка Радак, директорка на Туристичката организација на Црна Гора.

Радак за „Билд“ посебно потенцирала дека благодарение на навремената реакција на владата и строгите мерки на надлежните здравствени институции, земјата е стабилна. „Билд“ пишува дека пред Црна Гора да стане достапна дестинација за туристите, властите во овој период изработуваат план и концепт за спроведување хигиенски мерки во туристичките капацитети.