Добивај вести на Viber
Меѓународната кредиторска тројка( Европската унија, Европската централна банка и Меѓународниот монетарен фонд) идната недела ќе го посетат Кипар и ќе преговараат за давање на финансиска помош на островот, пишуваат тамошните весници. Официјална Никозија во понеделникот прати свои предлози во врска со економските мерки, побарани од кредиторите, како предуслов за помошта.
Според министер за финансии на Кипар, Васос Сиарлис преговорите нема да траат долго бидејќи постигнатиот договор ќе биде претставен на седницата на Еврогрупата закажана за 12-ти ноември.
Кипар, една од најмалите економии во еврозоната, го следеше примерот на Грција, Ирска, Португалија и Шпанија, барајќи помош од партнерите од ЕУ во јуни поради изложеноста на нејзиниот финансиски систем на економската криза во Грција. Меѓу барањата на кредиторите се намалување на платите на државните службеници, реформи во пензискиот систем и продавање на државниот имот.