Поранешниот гигант Зоил Македонија под капата на Виена Иншуренс Груп со драстично послаби резултати во првото полугодие
И приходите и добивката на Осигурување Македонија - Виена Иншуренс груп со голем пад
Објавено во: Економија 17 Август, 2017
Осигурителната компанија Осигурување Македонија АД Скопје дел од Виена Иншуренс групацијата за половина година има пад на вкупните приходи во однос на првите шест месеци од 2016, а со тоа и намалена добивка пред оданочување. Послабите резултати во првото полугодие се должат на неколку факти кои ќе ви ги претставиме во продолжение.
Осигурување Македонија АД Скопје Виена Иншуренс груп во првото полугодие од 2017 има остварено за 373 илјади евра помалку приходи од работењето. Најголем пад има кај приходите од бруто полисирана премија за осигурување кои изнесуваа за 1 милион евра помалку во однос на истиот период лани, додека пак крајната неоданочена добивка е помала за 536 илјади евра.
- Приходите од вложување бележат намалување во однос на 2016 од 9,3% најмногу заради намалените каматни стапки на депозитите, како и намалениот принос на државните хартии од вредност, објаснуваат од Осигурување Македонија АД Скопје Виена Иншуренс груп.
Вкупните приходи од работењето на Осигурување Македонија Виена Иншуренс груп за периодот јануари-јуни 2017 изнесуваат 6,4 милиони евра. Нето заработката од премија достигнала 4,5 милиони евра. Вкупните трошоци на Осигурување Македонија Виена Иншуренс груп во ова полугодие се зголемени за 1,6% во однос на истиот период лани и достигнале сума од 5,8 милиони денари.
- Со оглед на фактот дека намалувањата на премијата се најмногу во класите на осигурување кои се со повисок однос на штети во однос на премијата, во втората половина на годината не очекуваме некои големи отстапувања во однос на планираниот резултат во однос на остварувањето на добивката, велат од АД Осигурување Македонија во коментарот објавен на Македонска берза.
Добивката на Осигурување Македонија Виена Иншуренс груп пред оданочување изнесува 673 илјади евра.
Р.Ф.Можеби ќе ве интересира
ССМ НАЈАВИ ПРОТЕСТ ЗА 1 МАЈ: Бараат минималецот да изнесува најмалку 450 евра
„ДОЈЧЕ БАНК“ ГИ ИЗНЕНАДИ АНАЛИТИЧАРИТЕ: Ја објави нето добивката
НОВИ ПРОБЛЕМИ ЗА „БОИНГ“: ќе плати 443 милиони долари на авиокомпаниите за приземјувањето на авионите Max 9
Економската зона Ченгду-Чонгкинг е еден од главните мотори на идниот економски раст на Кина
ДАЛИ Е ОВА НАЈВИСОКАТА НЕТО ДИВИДЕНДА? Изнесува 35 евра за акција, а приносот е 7 отсто
САКАТЕ УСПЕХ ВО КАРИЕРАТА: Вмрежувајте се и ширете ги контактите
ПРОФИТОТ НА ТЕСЛА ПРЕПОЛОВЕН: компанијата ја губи трката од кинеските конкуренти
СВЕТСКИ ПОЗНАТА КОМПАНИЈА ТУЖИ АМЕРИКАНСКИ „ЏИН“: Им го украдоа заштитниот знак на моделите на спортска облека
„ПРИЛЕПСКА ПИВАРНИЦА“ ЌЕ ДЕЛИ ДИВИДЕНДА ОД ВКУПНО 714 ИЛЈАДИ ЕВРА - од пиво добро се живее во Македонија
