И Путин конечно одобри-„ Турски тек“ може да тргне!
Објавено во: Економија 23 Јуни, 2017
Рускиот претседател Владимир Путин дал наредба за почеток на изведбата на работите на Турски тек.
Тој стигнал во Краснодарскиот крај, откаде со хеликоптер долетал на бродот за поставување цевки.
На бродот, после состанокот со капетанот на бродот Фред Регтоп, во присуство на директорот на Гаспром Алексеј Милер и претседателот на швајцарската компанија Олсиз Евдард Хејерем, даден е официјален старт на изградбата на гасоводот Турски тек.
Турски тек ќе оди под Црното море од рускиот брег до Турција. Работите на положување цевки траат од март оваа година, но официјален почеток од руска страна е даден денес.
Путин кратко рекол: „Тргнете“.
При таа прилика директорот на Гаспром рекол дека овој гасовод ќе обезбеди доверливи испораки за потрошувачите.
„Сите активности во текот на работата на гасоводот ќе бидат спроведени согласно со најнапредни еколошки стандарди и правила “,рекол Милер.
„Кога зборуваме за турскиот пазар, гледаме дека побарувачката за руски гас расте, а нашето снабдевање веќе го сочинуваат 53% од пазарот на Турција“, рекол Милер.
Исто така гледаме многу високи стапки на раст на побарувачката на руски гас во Европа, а стапките на раст се навистина импресивни во земјите од регионот“, изјавил извршниот директор на Гаспром.