И Струга и Ресен ќе пуштат светло за празниците
Објавено во: Македонија 25 Декември, 2022
Општина Струга најави дека рестрикциите на уличното осветлување ќе останат на сила и следната година, поради енергетската криза. Сепак, градоначалникот Рамиз Мерко порача дека за време на празниците ова правило нема да важи.
И општина Ресен ќе го прекине ограничувањето за време на празниците, а градот е веќе украсен за крајот на годината. Од 26 декември до 8 јануари нема да има ограничувања поради празниците, но ќе биде осветлен само центарот на градот.
Општина Тетово пред една недела најави дека градот нема да биде украсен за новогодишните празници, но во текот на целата новогодишна ноќ ќе биде пуштено уличното осветлување. Општина Тетово уште минатиот месец одлучи после полноќ да се гаси јавното осветлување.