Илијевски: ВМРО-ДПМНЕ го призна Косово, во коалиција со Демократската партија на Србите
Објавено во: Балкан 25 Август, 2017
Лидерот на Партијата на Македонците во Србија, Горан Илијевски во емисијата „Dan Uživo" изјави дека во Србија е претставена лажна слика за Македонија.
Илијевски вели дека е задоволен што претседателот на Србија, Александар Вучиќ и премиерот на Македонија Зоран Заев имале разговор во кој е постигната согласност за пет точки и потсетува дека инсистирал дека е потребен дијалог и непосреден отворен контакт, објави N1.
Додава дека новинарството во Србија е паднато на ниска гранка, а политичкиот маркетинг зема замав.
„Дали некој пред три дена објави дека Македонија не гласаше за прием на Косово во Светската организација на студентската универзијада, а Кина и Русија гласаа"- рекол тој, пренесува N1.
Тој вели дека во две работи се согласува со Вучиќ - кога по првиот контакт за Заев изјавил дека е чесен и искрен човек и дека народот на Македонија не гласал за признавање на Косово, туку политичките структури кои во тој момент биле на власт.
„ВМРО-ДПМНЕ го призна Косово, во коалиција со Демократската партија на Србите, која не излезе од коалицијата. Владата на ВМРО-ДПМНЕ гласаше и за прием во Унеско"- вели Илијевски, пренесува N1.
Илијевски порачува дека регионот мора да соработува.