Името главна тема на средбата Попоски – Венизелос во Њујорк?

Добивај вести на Viber

На маргините на  68-то заседание на Генералното собрание на Обединетите нации во Њујорк,  министерот за надворешни работи Никола Попоски  се сретна со шефот на грчката дипломатија Евангелос Венизелос каде главна тема се очекува да биде името. Денеска пак, како што соопштија од МНР Попоски учествувал на министерскиот состанок организиран од страна на Холандија, а чија тема била „Мирно решавање на спорови.” Како што стои во соопштението, македонскиот министер ја поддржал констатацијата на холандскиот колега,  Тимерманс, дека е коректно и многу значајно, за успешно надминување на спорови, меѓународната заедница да даде поддршка во спроведувањето на решенијата кои се понудени од Меѓународниот суд на правдата или постигнати преку медијација. „Во поглед на факторите кои влијаат врз успехoт при мирно решавање на споровите беа разменети размислувања и со Заменикот генерален секретеар на Обединетите нации, Јан Елијасон, кој издвои дека: неопходен е барем минимимум интерес од страните да се реши спорот; речникот кој се користи е значаен; времето е исклучително важно; мора да се внимава на културата и чувствата; и дека личните односи и доверба се клучот на решението“ стои во соопштението на МНР.