Името на Нобеловиот лауреат за мир е ...

Добивај вести на Viber

И покрај неуспехот на договорот со ФАРК, колумбискиот претседател Хуан Мануел Сантос не се откажува од борбата за постигнување на траен мир во јужноамериканската земја која над 50 години е поделена од крвопролевањето граѓанска војна. За овие свои напори Сантос беше награден сега со Нобеловата награда за мир.

Четиригодишните преговори меѓу колумбиската влада и бунтовниците од ФАРК завршија на крајот на септември, со потпишувањето на мировен договор. Неколку дена подоцна сепак колумбиските избирачи сосема изненадувачки го отфрлија на референдум договорот. Причината е во некои од клаузулите на договорот, кои според многумина, обезбеди премногу отстапки на ФАРК. Иако гласовите на колумбијците се против договорот со ФАРК, претседателот Сантос објави дека ќе продолжи да работи за мирот.

Граѓанската војна во Колумбија продолжува веќе над пет децении. До овој момент конфликтот зел над 300.000 жртви и протерал милиони од нивните родни места.

Откако ја доби Нобеловата награда за мир, колумбискиот претседател изјави дека мирот во неговата земја е „многу, многу блиску“, пренесе AФП.

- Ние сме многу, многу блиску до постигнување мир ... Јас ја примам оваа награда во нивно име: од името на колумбискиот народ, кој страдаше толку многу во оваа војна, напиша фондацијата на својата официјална страница на Твитер, цитирајќи го ексклузивното интервју со Сантос, откако тој ја освои престижната награда.

Вкупно 376 беа номинациите за овогодишната Нобелова награда за мир - повеќе од кога и да било досега во повеќе од 100-годишната историја на престижното признание. 228 од номинираните се одделни личности, останатите се организации.

Нобеловата награда за мир е поддржана со 8 милиони шведски круни, што е околу 830.000 евра. Носители на оваа престижна награда се лица како пример Шимон Перес, Нелсон Мандела, Барак Обама, Мајка Тереза ​​и Европската унија. Минатата година наградата му беше доделена на Квартетот за национален дијалог во Тунис.