Имиграцијата и го донесе на Канада најсилниот демографски раст во Г7
Објавено во: Свет 10 Февруари, 2017
Канада регистрирала во последните 5 години најсилен демографски раст меѓу другите земји од Г-7, пријавил статистичкиот институт на земјата.
Според институцијата главната причина за тоа е миграциониот поток. Минатата година податоците покажуваат дека жителите на земјата биле 35 милиони што е за 1.7 милиони (5%) повеќе во однос на податоците од пописот во 2011 година.
Околу 2/3 од овој раст на населението се припишува на имиграцијата, а останатата една третина доаѓа од природниот прираст, се наведува во соопштението на статистичкиот институт.
Се очекува уделот на миграциската прираст да се зголемува во следните години поради стареењето на населението и слабиот наталитет. Владата додели праг на имигрантите на 300 илјади луѓе годишно..
Канада веќе водеше пред земјите од Г-7 според податоците од претходните пописи на населението во 2006 година и 2011 година, потсетува институтот. Таа е втората земја во светот по површина - околу 9 милиони квадратни километри, но има само 3.9 жители на квадратен километар. За споредба - во САД густината на населението е 35.3 лица на квадратен километар.
2/3 од Канаѓаните се концентрирани на 4% од територијата на земјата - во трите најголеми градови - Торонто, Монтреал и Ванкувер. Ванкувер е најнаселен град со повеќе од 5 400 луѓе на квадратен километар. Населението на Торонто е 5,9 милиони жители и тоа е најголемиот канадски град. Во Монтреал живеат 4 милиони луѓе, а во Ванкувер - 2,4 милиони луѓе.