ИНДИЈА: Во најголемиот карантин на светот се дише чист воздух
Објавено во: Свет 01 Април, 2020
Од пред неколку дена Индија, која брои повеќе од милијада
жители, одлучи да
влезе во карантин заради заштита од ширењето на кронавирусот, мерните станици на воздухот покажуваат енормно намалени параметри, со што воздухот не содржи високи концентрации на штетни материи.
Со одлуката да се влезе во целосне карантин, беа затворени илјадници фабрики, јавниот превоз е целосно стопиран, а нема ниту градежни работи. Сето е во корист на воздухот во Индија.
Основачот на НВО Care for Air, Џиоти Панде Лавакаре за Си-ен-ен вели дека во последните десеттина години небото над Делхи не било почисто.
-Вдишувањето на воздухот овде сериозно им штети на луѓето, а сега за време на пандемијата, позитивно е што може да излеземе и да вдишиме чист воздух, вели тој
Аналитичарот од Делхи, Сунил Дахиа објасни дека промената е забележителна, но дека е свесен оти штом престанат вонредните мерки се ќе се врати на старо: „Но, тоа не е причина да престанеме да славиме и да уживаме, се надевам дека ќе ни биде лекција за понатаму“.
Инаку, до сега во Индија има повеќе од 1.300 случаи, а 35 починаа од коронавирусот