Инфлацијата во еврозоната достигна над 3-годишен врв
Објавено во: Економија 04 Јануари, 2017
Инфлацијата во еврозоната во декември достигна 1,1%, покажуваат прелиминарните податоци на Евростат. Во ноември растот на потрошувачките цени беше во рамките на 0,6 отсто.
Тоа е највисока вредност на инфлацијата од септември 2013 година и над пазарните очекувања за 1%.
Пресметките на статистичката агенција на ЕУ покажуваат дека зголемените трошоци за енергија ja негуваат инфлацијата во земјите од монетарната унија на заедницата. Во последниот месец од годината цените на енергетските производи се зголемиле за 2,5% на годишна основа. За споредба - во ноември имаше пад во рамките на 1,1%.
Раст запишуваат уште и услугите (со 1,2% во декември), како и храната, алкохолните пијалоци и цигари (1,2%).
Конечните податоци за движењето на цените на потрошувачките стоки во еврозоната во декември ќе бидат објавени на 18 јануари. Тогаш Еуростат ќе соопшти и податоци за инфлацијата во цела ЕУ за последниот месец од 2016 година.
Дури и зголемувањето на инфлацијата да биде потврдена, таа сеуште е под „здраво“ ниво од 2%, определено од Европската централна банка (ЕЦБ).