Ирак започнува нова масовна операција против Исламска држава
Објавено во: Свет 23 Ноември, 2017
Ирачките сили за безбедност соопштија дека почнуваат нова голема операција, чија цел е да ги прочисти од терористи пустинските територии во западните делови на земјата, во близина на границата со Сирија
"Ирачката армија, федералната полиција и (најпопуларните паравоени единици ) "Хашед ал Шааби" утринава почнаа да го прочистуваат регионот Ал Џезира, кој се наоѓа во провинциите Салахедин, Ниневија и Анбар", изјавил шефот на Здружената оперативната команда Абделамир Јарала .
Претходно денеска ОН објави дека групата "Исламска држава" изгубила 95% од териториите во Ирак и Сирија, кои се контролирани од нив во текот на летото на 2014 година.
Според специјалниот претставник на ОН во Ирак Јан Кубиш, сепак тоа се случило по многу висока цена. "Илјадници воени и цивили беа убиени или повредени, илјадници жени останаа вдовици, а децата сирачиња, стотици илјади деца, сега се со испуштени мозоци, без соодветно образование. Цели градови лежат во урнатини, околу 6 милиони луѓе избегале од своите домови", изјавил Кубиш.
Според него главен приоритет на Ирак треба да биде да се создадат услови за безбедно враќање на внатрешно раселените лица, како и да се стабилизираат, враќање и рехабилитирање на сите засегнати области. Во овој случај, треба да се обрне внимание најмногу на регионите каде што живеат етничките и религиозните малцинства, истакнал тој.