ИСИС објави фотографија од терористите пред нападот на концертната сала во Москва
Објавено во: Свет 23 Март, 2024
Преку новинската агенција Amaq, која е поврзана со нив, ИСИЛ објави повеќе детали за терористичкиот напад врз комплексот Крокус во московскиот регион, нарекувајќи го нападот „најбрутален во последните години“ и објавувајќи фотографии од терористите.
Нивната облека одговара на онаа на приведените чии фотографии претходно ги објави Федералната служба за безбедност на Русија.
Во соопштението се наведува дека тројца милитанти отвориле оган врз луѓето во салата за публика, додека четвртиот ја запалил зградата. Се тврди дека терористите биле вооружени со митралези, пиштоли и контејнери со запалива смеса. Пред нападот тие долго време ја набљудувале зградата.
Се споменува дека милитантите на ИСИЛ планирале напад врз „голема толпа христијани“. Членовите на групата нагласија дека терористичкиот напад бил организиран како дел од одговорот на војната што ИСИЛ ја објави на земјите кои се борат против исламот.
Бриф, канал на Телеграм, објави фотографии од уапсените и ги спореди со сликата што ја објави Amaq. Од фотографиите се идентификувани најмалку тројца напаѓачи.
Претходно Министерството за внатрешни работи на Русија соопшти дека сите четворица осомничени за терористичкиот напад се странски државјани.
Последните информации од Москва велат дека во терористичкиот напад загинале повеќе од 130 лица.