Иванов - Вучиќ: Мора како добри соседи да создаваме добри практики за идните поколенија
Објавено во: Македонија 24 Јуни, 2017
Сите отворени прашања мора да ги разгледуваме преку дијалог и надлежните институции да наоѓаат решенија, рече македонскиот претседател, Ѓорге Иванов по средбата со српскиот претседател, Александар Вучиќ.
Смета дека како соседи двете држави мора да создаваат добри практики.
Иванов вели дека средбата била конструктивна и дека се согласиле отворените прашања да не се политизираат.
„Каде настануваат проблемите, таму треба да се наоѓаат и решенијата. Да не ги политизираме и да не им даваме посебно значење на прашањата кои се во надлежност на институциите“ – изјави Иванов.
На средбата е разговарано и за можностите за продлабочување на економската и на трговската соработка, како и за прашања од културата.
„Разговаравме и за прашања од доменот на културата, кои мора да ги регулираме со одбележувања на настани, како што беше одбележувањето на 70-годишнината од доаѓањето на Македонците во Србија што го одбележавме заедно со претходникот на Вучиќ. Тоа беше еден чин на почит. Тие ни посветија внимание и нашите Македонци беа навистина задоволни. Таквите настани ќе продолжиме и во иднина да ги одбележуваме, бидејќи тие ги зближуваат двата народа и придонесуваат кон доверба на двете држави“ – изјави Иванов.
Дијалогот меѓу Македонија и Србија се очекува да продолжи со идна посета на Вучиќ на Република Македонија.
Иванов претпладнето оствари и неформална средба со досегашниот српски претседател Томислав Николиќ.
Македонскиот претседател вчеравечер во „Палата Србија“ присуствуваше на свеченоста по повод инаугурацијата на новиот српски претседател Александар Вучиќ.
Можеби ќе ве интересира
„НОЌЕВАЊЕ ВО ОХРИД ЗА ДВЕ ИЛЈАДИ ДИНАРИ“: Еве како српски „Б92“ им го претстави македонскиот бисер на Србите
АНДРЕЈ ПЕТРОВ:Признаваме дека ВМРО ДПМНЕ направи подобар резултат
ОСМАНИ ПОБЕДИ ВО БЕРЛИН И МИНХЕН, ПЕНДАРОВСКИ ВО ВАШИНГТОН, А ТЕСНА БИТКА СЕ ВОДЕЛА МЕЃУ СИЛЈАНОВСКА И ВАНКОВСКА ВО ЉУБЉАНА: Како гласаше македонската дијаспора?
КАКВО ВРЕМЕ ЌЕ ИМАМЕ ВО МАЈ, ЈУНИ И ЈУЛИ?: Очекуваме за степен до два повисоки температури од вообичаените, но ќе растат условите и за временски непогоди
„СДСМ КО ЕДВАЈ ДА ЧЕКАШЕ ДА ИЗГУБИ“: Колозова во нејзин стил, вели нема кој да не вади од паланкава
ФАКТОР НА ДЕНОТ: Се сумираат резултатите од изборите, Силјановска со голема разлика пред Пендаровски
ХАЈРЕДИНИ: Што ќе се случи ако Македонците се обединат?
МИЦКОСКИ: Мобилизацијата на граѓаните ќе биде одговор на евентуален бојкот на СДСМ и на ДУИ на вториот круг
ДИК: Tечат роковите од 48 часа за приговори, на трите места во Куманово нема да се прегласува
