Добивај вести на Viber
Сомнителните и спорните побарувања на ниво на банкарскиот сектор во февруари достигнаа ниво од 428 милиони евра. Според најновите податоци на Народната Банка, во однос на јануари, кога проблематичните кредити изнесувале 427 милиони евра, за еден месец е регистриран раст нешто повеќе од 5 милиони евра. Според мартовскиот извештај на Народната Банка и со овој пораст, салдото на сомнителните побарувања останува практично на исто ниво како она од месец јануари.
Анализата покажува дека растот од 5 милиони евра на сомнителните побарувања има кај кредитите во денари, додека кај девизните задолжувања се забележува пад.
Според податоците на НБРМ во февруари вкупната кредитна задолженост, која е во пораст, изнесува 3 милијарди и 803 милиони евра. Во однос на јануарското салдо од 3 милијарди и 788 милиони евра, кредитната изложеност е зголемена за 15 милиони евра.
“На крајот на февруари, годишната стапка на раст на вкупните кредити изнесува 7,0% и е над годишниот раст од 5,3% проектиран за првиот квартал на 2014 година. Притоа, вкупните одобрени кредити се повисоки за 2,202 милиони денари од нивото проектирано за првиот квартал, што
укажува на можно надминување на очекуваното ниво од октомвриската
проекција. евра. “ – оценува Народната Банка во новиот мартовски извештај.
Вкупниот раст на кредитите главно се должи на растот кај денарските задолжувања додека кај девизните растот е незначителен.
За годинава, според проекциите на Народната банка, кредитниот раст треба да изнесува 6,3 проценти.