Јанакиески е осуден на 3 и пол години затвор за „Топлик“
Објавено во: Македонија 05 Април, 2022
Eкс министерот за транспорт и врски Миле Јанакиески е осуден на казна затвор од 3 години и 6 месеци за случајот „Топлик“. Обвинителството го гонеше за злоупотреба на службената положба и овластување.
За истото дело за виновни се прогласени и пет членови на Комисијата која спроведувала јавно наддавање за елитниот комплекс „Сончев Град" во скопско Сопиште, при што Томче Ѓурчилов доби казна затвор од три години, додека Димитар Димовски, Надица Тасева, Веса Томчевска и Марица Тасева се осудени на условна казна затвор од две години.Јанакиески досега е осуден на 6 години и 3 месеци затвор за случајот „Организатори на 27 април“, а на 4,5 години затвор за случајот „Титаник“ во кој призна вина. Јанакиески призна вина и во случајот „Дизајн“ за набавка на 202 кинески автобуси по што доби уславна казна, а ваква доби и за предметот „Шамари во Центар“. Јанакиески е обвинет во уште четири предмети за кои е во тек судска постапка.