Јанева: Тапкаме во место 12 часа, ама нема да си одиме од УБК!
Објавено во: Македонија 20 Октомври, 2016
„Поминаа 12 часа откако сме во УБК. Како што напредува постапката тапкме во место, дискутираме, дебатираме но уште сме на мртва точка“, изјави кратко специјалната обвинителка, отстапувајќи и на колешката и специјалана обвинителка Ленче Ристовска да го заврши пресот.
Обвинителката Ленче Ристоска изјави дека СЈО, по наредба на Основниот суд Скопје 1, а по претходно барање на Специјалното јавно обвинителство, побало да ги добијат сите маркирани броеви кои биле предмет на прислушување и од СЈО се сомнееваат дека истите се и во сегашниот систем, но искажа разочарување од УБК, како институција.
„Нема волја, а има недостаток и од технички и од човечки капацитет да се реализира судска наредба во УБК“, изјави Ристовска.
Како што претходно информиравме СЈО од утрово се наоѓа во просториите на управата за безбедност и контраразузнавање со две судски наредби.
„Влеговме во УБК и во наредбите стои дека треба да ги преземеме сите ПИМ мерки кои се доставени од страна на судовите, решенијата за ПИМ мерки од 2008 до 2015-та година и сите разговори кои ги имаат снимено во тој период. Сѐ уште работиме на тоа соработката оди тешко, директорот на УБК одбива да постапи на барањата, во исто време присутен е по цело време, не знам по кој основ господинот Чавков, а други полициски службеници доаѓаат и излегуваат, неможеме да знаеме кои се, но ве уверувам дека јас со мојот тим на обвинители остануваме до крај додека не ги извршиме судските наредби, соопшти Јанева.
Таа исто така првично го обвини директорот на УБК, Владимир Атанасовски дека прави опструкции и поради непознати причини, таму присуствува и директорот на Бирото за јавна безбедност (БЈБ), Митко Чавков.
Министерот Спасовски со информација за Нова ТВ околу случајот рече дека СЈО почнало со претрес во УБК.
„Имаше опструкции и обиди за одолговлекување на постапката но тие сега се надминати и тимот на чело со Јанева доби пристап до документите кои се предмет на нивната истрага - изјавил министерот Спасовски.