Kaква порака упати Хан до политичарите пред да си замине од Скопје?

Добивај вести на Viber

По дводневната посета на Скопје еврокомесарот за проширување и соседска политика,  Јоханес Хан заминува убеден дека сите клучни играчи во земјава се посветени на европската перспектива.

Очекува позитивна препорака од ЕУ во февруари, па почеток на преговорите за членство.

Европската унија ќе одвои околу 38 милиони евра за нови вработувања, унапредување на образованието и за социјална инклузија- средства обезбедени од претпристапните фондови на Унијата.

Еврокомесарот повтори дека и покрај позитивната клима,  остануваат реформи кои треба да бидат завршени и преточени во закони. 

Хан ги акцентираше реформите во правосудството, разузнавањето и јавната администрација. 

Политичките лидери, смета Хан се оние кои треба да најдат решение за отворените прашања меѓу кои и за спорот за името. 

„Ова е прашање за кое не сакам да коментирам, сѐ уште е рано, но позитивно е што се спроведуваат мерки за градење доверба, има контакти меѓу релевантните претставници. политичари се должни да најдат решение, затоа се избрани од граѓаните, да најдат добар компромис“- рече  Хан. 

Тој  ги поздрави преземените чекори за подобрување на добрососедските односи како и договорот со Бугарија, којшто очекува да се ратификува до крајот на годинава.