КАКВИ МЕРКИ ЌЕ ПРЕЗЕМЕ: Трамп ја менува политиката кон Куба
Објавено во: Свет 11 Јуни, 2017
Американскиот претседател, Доналд Трамп планира да објави затегнување на политиката на Вашингтон кон Хавана до 16 јуни.
Се очекува тоа да се случи во рамките на посета во Мајами. ТАСС наведува дека според неименуван претставник на администрацијата во Вашингтон, ” прават детален преглед на политиката кон Куба и во наредните денови ќе испратат препораки до шефот на државата. Можно е изјавата да биде подготвена за малку подоцна, ако на претседателот му треба повеќе време за конечна одлука.
Претходно CNN објави дека намерата на Трамп да ја заостри политика кон Куба, веројатно не вклучува прекин на дипломатските односи со Хавана. Додаваат дека Трамп размислува за укинување на голем број одредби на неговиот претходник Барак Обама во однос на трговијата, финансиските односи и екскурзии до земјата. Говорејќи во јануари 2015 година, Обама го повика Конгресот да го укине целосно ембаргото против Куба. Во овој контекст тој потпиша серија декрети за ублажување на заедничката политика во областа на трговијата, туризмот, транспортот, осигурителните и финансиски врски.
Сегашната администрација иницира преглед на сите неодамна земени од Вашингтон решенија во однос на политиката кон Куба.
САД ги прекина дипломатските односи со Куба во 1961 година. Тогаш Вашингтон објави воведување трговско и економско ембарго за Куба. Сепак, во текот на декември 2014 година, Обама призна дека претходната политика на Вашингтон против Хавана не функционира и најави почетокот на движењето кон нормализирање на билатералните односи.