Какво име може да прифати Владата?
Објавено во: Македонија 06 Февруари, 2018
Ние сме подготвени на географска одредница за името, изјави премиерот Зоран Заев денеска на прес-конференција во Владата. Но, во име на успехот на преговарачкиот процес со Грција за спорот со името, тој не сакаше да коментира повеќе. Затоа како што рече се пристапува со доза на внимателност.
„Многу изгледа тешко, но не очекувавме да биде лесно, посветени сме во Владата, јас, министрите, може да се изнајде решение и за овој горлив проблем“- рече Заев.
Премиерот сака процесот да успее.
Премиерот изјави дека на владина седница е донесена одлука автопатот кој води до Грција да се вика „Пријателство“, а аеродромот Александар Велики, да се преименува во Меѓународен аеродром Скопје. Заев вели дека е оптимист дека решение може да се најде
Грчкиот шеф на дипломатијата, Никос Коѕиас во интервју за Еуроњуз побара од нашата земја да излезе и јавно да каже која ќе биде придавката во сложеното име.