Какво време се очекува до петок?
Објавено во: Македонија 11 Октомври, 2022
Во наредните денови ќе имаме врнежливо време. До петок ќе преовладува променливо облачно и свежо време со повремен локален дожд. Во четврток попладне и кон крајот на денот локално ќе има услови врнежите да бидат поројни. Од сабота следува период на стабилно време со пораст на дневната температура, информираат од УХМР
Времето утре ќе биде променливо облачно со повремени локални врнежи од дожд. Ќе дува слаб ветер од северен правец. Утринската температура ќе се движи од 6 до 14 степени, а дневната од 12 до 20 степени, информираше Управата за хидрометеоролошки работи (УХМР). Во главниот град утре ќе биде променливо облачно со повремени врнежи од дожд. Утринската температура ќе се движи до 12 степени, а дневната до 18 степени.
foto freepik.com/peangdao