Калајџиев: Со повеќе од 20 кривични дела може да се гонат организаторите и извршителите
Објавено во: Македонија 03 Мај, 2017
За емисијата „360 Степени“, професорот Гордан Калајџиев зборува за кривичните дела кои се направени при упадот во Собранието.
Тој напомена дека постојат повеќе од 20 кривични дела со кои можат да се гонат организаторите и извршителите. Калајџиев повикува случајот темелно да се истражи.
„Ако се работи за организиран напад врз Собранието, квалификацијата на делата ќе биде поинаква. Овие дела насислство, обид за телесна повреда, толпа… тоа се дела што се случуваат и на улица, и на фудбалски натпревар. Делата што со насилство ќе се сторат врз Собрание, и коишто имаат цел да се повика, да се смени власта, е веќе велепредавство. Со насилно менување на органите, односно Собранието, е велепредавство и тешко се казнува“ - вели професорот.
Според него, загрозувањето на поредокот што е намерно направено со акт на сила и присилба е предвидено исто како конкретно кривично дело, терористичко загрозување на уставниот поредок.