КАЛЕНДАР: Еве кои се неработни денови во Јануари
Објавено во: Стил 26 Декември, 2015
За сите граѓани на Македонија, наредниот петок, 1 јануари 2016 година е неработен ден.
Освен првиот ден од новата година, согласно Законот за празниците неработен ден за сите граѓани на земјава ќе биде и 7 јануари, четврток, првиот ден на Божиќ.
Граѓаните од православна вероисповед нема да одат на работа на Бадник, односно на 6 јануари во среда, а потоа и на 19 јануари кога е Богојавление (Водици).
За граѓаните припадници на српската заедница во Република Македонија, пак, неработен ден е 27 јануари, среда, кога се одбележува Свети Сава.