Каракачанов утре ќе ја посети Македонија, домаќин е Шекеринска
Објавено во: Македонија 17 Септември, 2017
Красимир Каракачанов, бугарскиот министер за одбрана кој често има контроверзни ставови за македонското прашање и е дел од ВМРО-БНП, утре ќе дојде во официјална посета на Република Македонија.
Тој ќе се сретне со домаќинот, министерката за одбрана на Република Македонија, Радмила Шекеринска, по што ќе следува средба на двете делегации и изјави за медиумите од министрите Шекеринска и Каракачанов.
Бугарскиот министер за одбрана Каракачанов ќе ја посети и касарната „Илинден“ во Скопје каде Полкот за специјални операции ќе изведе показна вежба.