24 Јануари, 2018
0.4914
    ALK 7791.42    1.09%     FERS 56000    0%     GRNT 830    0%     KMB 3089.5    0.29%     MPOL 255    -9.65%     MPT 28001.2    -2.96%     MTUR 4282    2.98%     OKTA 3420    6.88%     RMDEN16 94.5    0%     SBT 2100.85    1%     STIL 150    0.14%     TNB 13299.91    0.54%     TTK 998.57    2.55%     ZPKO 2706.43    0.24%

Ќе ја превземат ли „Топлификација“ за да спасат 20 милиони евра долг?

Објавено во: Економија 10 Октомври, 2017

Логично и реално ли е да се очекува дека група сака да го води главниот збор во „Топлификација“ за да спречи наплата на нејзини 20 милиони евра од ТЕ-ТО? Логично е ако мнозинство на акционерско собрание на „Топлификација“ одлучи да отпише такви побарувања од БХЛ и ТЕ-ТО

Клучен ли е долгот на БХЛ и на ТЕ-ТО кон „Топлификација“ за настаните што се случуваат во акционерската структура на оваа компанија? Ова прашање се наметнува како клучна тема во инвеститорската јавност особено последниве денови во кои актуелни се судските акти кои се однесуваат на претстојното акционерско собрание во „Топлификација“.

Факт е дека БХЛ и ТЕ-ТО должат над 20 милиони евра на скопска „Топлификација“, а за 6,2 милиони евра компанијата има судска пресуда. На „Топлификација“ и пропадна обидот за присилна наплата на побарувањата, но Апелацискиот суд пресуди и со правосилна и извршна пресуда одлучи дека „Топлификација “ не може присилно да ги наплати своите побарувања. 
Деновиве сме сведоци на високофреквентна активност за објавување на информации во врска со „Топлификација“ и сите се однесуваат на претстојно акционерско собрание во таа компанија кое е поништувано, обжалувано, а судовите во паралелна работа носат акти кои се однесуваат на претстојните активности за закажано акционерско собрание кое се одлага неколку пати. Всушност реалноста е дека сега има две закажани акционерски собранија во компанијата. Првото е од страна на здружението на акционери за заштита на правата во „Топлификација“, а другото е закажано од страна на физичко лице кое со судски акти е овластено за таква активност. Но првата страна за последно објави дека на суд го обжалила легитимитетот на правото на лицето да закажува собрание, а воедно соопштија и дека поднеле кривични пријави за судии кои се членови за судскиот совет што одлучувал. Како и да е „Топлификација“ стана судски случај, а читањето на информациите остава впечаток дека станива збор за судски лавиринт во кој не се знае дали има излез.

Во инвеститорската јавност се шпекулира дека станува збор за борба меѓу две акционерски групи од кои едната се бори за наплата на побарувањето на „Топлификација“ од ТЕ-ТО и од БХЛ, а другата се бори за да се спротивстави на таквата активност на првата група. Имено, втората група акционери во „Топлификација“ ја предводи кипарската компанија „Битар Холдинг Лимитед“ (БХЛ) која поседува 16 отсто во „Топлификација“ и е најголем поединечен акционер, а од друга страна поседува 29 отсто во структурата на ТЕ-ТО. И најзначајно е тоа што БХЛ во целост го поседува БЕГ – компанијата што го снабдува со топлинска енергија Скопје.

Поевтино е да ја контролираш „Топлификација“ отколку да и платиш 20 милиони евра?!!!

Ова е главната теза, која ја шпекулирааат во инвеститорските кругови. Основата на тезата е тоа што се предвидува дека ако БХЛ со својата група акцинери се обидува да добие превласт над здружението за заштита на акционерски права во „Топлификација“ и да го отпише долгот. Имено шпекулацијата е дека е многу полесно да се вложат четири до пет милиони евра и да се обезбеди управувачки пакет за да се контролира компанија која побарува 20 милиони евра и за дел од тоа веќе има судска пресуда. Дали БХЛ има мотив за тоа? Мотивот може да се бара во непрекинато работење на БЕГ, снабдувачот со топлинска енергија на Скопје, кој пак во голем дел топлинската енергија ја купува од ТЕ-ТО, најнова и најголема централа која произведува топлинска енергија, а истовремено произведува и електрична енергија. А за да снабдува ТЕ-ТО треба да работи. А ќе работи само ако го затвори прашањето со долгот кон „Топлификација“.

Кој со кого управува и поседува?

БХЛе компанија со седиште на Кипар од јуни 2014 година, а претходно седиштето и било во оф-шор зоната Џерси Ајландс. Оваа компанија поседува 29,2 отсто од акциите во ТЕ-ТО, а истовремено е и најголем поединечен акционер во „Топлификација“ каде поседува 16отсто од управувачките гласови. Истовремено БХЛ го поседува во целост БЕГ снабдувачот со топлина на Скопје, кој пак за милион евра годишно ги закупува постројките на „Топлификација“ со цел снабдување на Скопје со топлинска енергија. Доминантен сопственик на ТЕ-ТО е странска компанија „Проџект менаџмент консалтинг“ и таа контролира 60 отсто од акциите (според официјален извештај на независни ревизори за 2015 година). „Топлификација“ е најмал акционер во ТЕ-ТО и поседува 10,8 отсто од акциите. БХЛ во ТЕТО поседува 29 отсто од управувачките права. БХЛ е со седиште во Кипар, во базата на Bloomberg нема податоци за лица од управувачката структура.

Повеќе на темата можете да прочитате на следниве линкови: 

http://faktor.mk/akcioneri-tvrdat-bhl-na-toplifikacija-i-dolzi-22-milioni-evrahttp://faktor.mk/te-to-ad-go-dobi-sporot-so-toplifikacija-adhttp://faktor.mk/zoshto-vo-toplifikacija-smrdi-na-skapano-jajce

Независниот ревизор: Иднината на ТЕ-ТО е неизвесна!!!

Можеби ќе ве интересира

Со најавите за оданочување биткоинот во слободен пад

Со најавите за оданочување биткоинот во слободен пад

КАЗНА ПО СЕКОЈА ЦЕНА: Треба ли да се ревидира системот за инспекциски надзор?

КАЗНА ПО СЕКОЈА ЦЕНА: Треба ли да се ревидира системот за инспекциски надзор?

Кузмановска: Македонија доживува економски фијаско

Кузмановска: Македонија доживува економски фијаско

ДРЖАВАТА СЕ ЗАДОЛЖИ: За колкава сума се работи?

ДРЖАВАТА СЕ ЗАДОЛЖИ: За колкава сума се работи?

СТОКНАЛА ПРОСЕЧНАТА НЕТО ПЛАТА: Кожарските и текстилни работници остануваат на дното

СТОКНАЛА ПРОСЕЧНАТА НЕТО ПЛАТА: Кожарските и текстилни работници остануваат на дното

Филип Морис пред клучна одлука на САД - Дали IQOS се побезбедни од цигарите?

Филип Морис пред клучна одлука на САД - Дали IQOS се побезбедни од цигарите?

Џабе дипломи и вештини кога еден копирант зема двојно повеќе од просечен млад човек

Џабе дипломи и вештини кога еден копирант зема двојно повеќе од просечен млад човек

Со каква прогноза излезе ММФ за глобалниот економски раст?

Со каква прогноза излезе ММФ за глобалниот економски раст?

ПОЛНЕТЕ РЕЗЕРВОАРИТЕ: Нов скок на цената на нафтените деривати

ПОЛНЕТЕ РЕЗЕРВОАРИТЕ: Нов скок на цената на нафтените деривати