Зошто во „Топлификација“ смрди на скапано јајце?
Објавено во: Економија 06 Октомври, 2016
Основниот суд 2 во Скопје на 30 август прво носи привремена мерка за забрана за спроведување одлуки од акционерско собрание во јули, а потоа истиот суд во вонпарнична постапка носи решение со кое дозволува да се закаже собрание признавајќи ги како валидни одлуките од истото собрание за кое важи правосилна привремена мерка! На чисто ли се судиите ?
„Топлификација“ утре попладне закажа акционерско собрание на кое ќе се гласа за одобрување на работата на управниот и на надзорниот одбор како и за годишниот извештај за работењето и за годишната сметка и за усвојување на деловните резултати. Клучна новина е тоа што собранието легитимно и полноправно ќе може да заседава и доколку има помалку од 50 отсто од сите гласови, а легитимни одлуки ќе може да носи со мнозинството од гласовите кои утре ќе се соберат на ова собрание. Тоа значи дека макар и со 30 отсто или помалку гласови утре би требало да има легитмини резултати.
Воедно многу е важно и тоа што на презакажаното собрание ќе нема пријавување туку можат да дојдат директно на собранието кое е закажано за утре во 18 часот во хотел „Континентал“. Тоа значи дека е можно утре да се појави некој „џокер“ кој може да влијае или да го промени соодносот на силите на претстојното собрание.
Презакажаното собрание е резултат на увертирата во која требаше да се одржи собрание на 4 октомври, но кое не можеше да се одржи токму заради тоа што немаше кворум односно се јавија помалку од 50 отсто од акционерите. Со тоа се отвори простор за презакажување со кое се овозможува да се укине цензусот од најмалку 50 отсто од бројот на гласови и собрание легитимно да одлучува со просто мнозинство од половина плус еден глас од бројот на пристуни акционери кои ќе гласаат утре.
Да биде какофонијата поголема очигледно дека различните табори во акционерската структура на „Топлификација“ водат и различни судски постапки едни против други. Тоа го дознаваме од соопштението кое „Топлификација“ го објави на страницата на Македонската берза. Имено, во првиот дел од соопштението пишува дека скопскиот Основен суд 2 во вонпарничка постапка, по барање на акционери кои имаат помалку од 2,5 отсто од акциите, донел решение да се закаже акционерско собрание со познатиот дневен ред. „Топлификација“ го добила решението и најави дека ќе го обжали затоа што е спротивно на закон.
Имено акционерите навеле дека бараат закажување на собрание затоа што фирмата нема легитимен надзорен и управен одбор. Судот го прифатил тоа барање. Веројатно тие акционери поднеле докази од акционерското собрание во јули кое беше оспорено од „Топлификација“ и за кое нотарот што го водел записникот, наводно, се изјаснил дека одлуките не се легитимни. Токму „Топлификација“ објавува дека од Основниот суд 2 од Скопје има решение за привремена мерка од 30 август годинава кое е правосилно на 13 септември годинава со кое е забрането спроведување на одлуките од јулското собрание.
А токму тие одлуки истиот суд ги земал во предвид во вонпарничката постапка и одлучил во корист на акционери. Сега прашањето дали ќе има и паралелно собрание на „Топлификација“ , а прашање е што ќе се случи и утре во „Континентал“ на ова собрание кое закажано по истите точки.
Како што пишувавме клучно е следново: стануваат многу реални изгледите „Топлификација“ да го наплати своето побарување од Те-То преку блокада на неговото работење и тоа сега на почетокот на грејната сезона.
Повеќе на следниов линк http://faktor.mk/mozen-li-e-raskol-vo-toplifikacijaа
За вредноста на бизнисот со затоплување прочитајте на овој линк ИМА ЛИ ПОДОБАР БИЗНИС: Колку тежи затоплувањето на Скопје?