ЌЕ ПРАВИ ЛИ ПАРИ ТАЈЛАНД: Познати деталите што ќе се случи со мистериозната пештера

Добивај вести на Viber

Пештерата на северот од Тајланд во која 12 момчиња и нивниот тренер биле заробени повеќе од две недели ќе биде претворена во музеј.

Според првите информации во музејот ќе биде претставен начинот на кој се одвивала акцијата за спасување на момчињата, а претставници наведуваат дека тоа ќе биде главна атракција на Тајланд.

Дванаесет момчиња и нивниот тренер се опоравуваат во болница. Вчера се објавени првите фотки од момчињата од болницата а на нив се гледа дека се добро расположени.

Там Луанг е една од најголемите пештери во Тајланд. Се наоѓа во близина на градот Мае Саи, во северната покраина Чианг Раи на границата со Мјанмар. Ова подрачје воглавно е неразвиено.

„Ова подрачје ќе стане музеј. Ќе поставиме интерактивна база на податоци за акцијата за спасување која ќе стане уште една атракција на Талјанд“, рекол Наронгсак Осотанкорн, шеф на мисијата на спасување.

Уште не е познато дали музејот ќе биде оперативен во текот на цела година.

Освен тоа, две компании изразиле желба да снимаат филм за момчињата и тренерот кои биле заробени во пештерата.