КЛУБОТ ЗА МАКЕДОНСКО-БУГАРСКО ПРИЈАТЕЛСТВО: Да не ни бидат херои оние што ни всадуваат омраза и страв, туку оние што не поврзуваат
Објавено во: Македонија 21 Јули, 2022
Клубот за бугарско-македонско пријателство го поздравува напредокот во подобрување на односите меѓу Бугарија и Македонија постигнат со прифаќањето на европскиот предлог од двете земjи.
„Ги поздравуваме нашите две влади и два парламента за пројавената политичка смелост, како и усилбите на Франција и Европската унија за постигнатото решение. Јасно осознаваме дека ова е само почеток на еден сложен и повеќедимензионален процес кој треба да добие општествена поддршка во двете држави“, информираат од Клубот.
Велат дека се убедени дека тоа може да биде постигнато само со активна и сесрдна размена на сите нивоа меѓу двете општества и остварувањето на заеднички цели со потенцијалот и усилбите на сите заинтересирани страни - бизнис, невладин сектор, академски институции, граѓанското општество.
„Нѐ чека многу работа за создавање услови нашите односи да не бидат развивани само на високо политичко ниво, а да се започне позитивен разговор меѓу сите учесници во општествата и во двете држави. Само така можеме да го надминеме меѓусебното непознавање, кое дозволува за „херои“ на нашите односи да бидат претставувани само оние, кои всадуваат страв и омраза меѓу нас. Овие „актери“ треба да бидат заменети од луѓе кои нѐ поврзуваат, а не нѐ разделуваат од луѓето кои градат мостови, врски и разбирање, а не всеваат омраза и реваншизам“, пишуваат од Клубот.