„Клуч од градот“ е подарокот кој Касами го даде на Вјоса Османи
Објавено во: Македонија 27 Април, 2023
Тетово отсега е дом на претседателката, рече тетовскиот градоначалник, Билал Kасами кој на Вјоса Османи и’ подари „клуч од градот“.
Градоначалникот вели дека Тетово како еден од главните градови во Македонија, еден од најважните градови после Скопје, каде што мнозинство од граѓаните се Албанци, е мостот на соработка меѓу Македонија и Косово.
„Нашата врска со Косово не е само територијална туку и духовна. Двете војни уште повеќе го обединија нашиот однос меѓу Албанците од двете земји. Општина Тетово активно и секојдневно работи за што поскоро да заживее патот Тетово-Призрен и за ова ја информирав претседателката за активностите што ги прави општината и верувам дека во иднина овој пат, оваа врска ќе биде функционална“, рече Касами.
Транспарент и билборди со „Добредојде госпоѓо претседателке“, напишани само на албански јазик, постави локалната самоуправа по повод денешната посета на косовската претседателка.
Таа денеска присуствуваше на на инаугурација на улицата со името „Ибрахим Ругова“ во Општина Чаир.
фото Фејсбук Билал Касами