Кнајсел: Институциите да го преземат следниот чекор што ќе води кон пристапните преговори со ЕУ
Објавено во: Македонија, Свет 02 Октомври, 2018
Aвстриската министерка за надворешни работи, Карин Кнајсел смета дека и покрај неуспехот на референдумот за името на Македонија, заради слабиот одзив на гласачите, изјаснувањето во неделата покажа „јасен сигнал за поддршка“ на решението за спорот околу името со Грција.
Иако одѕивот на граѓаните беше помал отколку што очекувала, Карин Кнајсел порача дека сега на институциите останува да го преземат следниот чекор што ќе води кон пристапните преговори со ЕУ.
И австрискиот министер за европски прашања, Гернот Блимел е уверен дека референдумот ќе води кон решение.
Блимел вели дека станува збор за историска шанса за Македонија и целиот регион, како и за патот кон ЕУ.
Тој изјави дека Австрија јасно го поддржа ова решение.