КОБНА СЕМЕЈНА КАВГА ВО ШТИП: Синот си го убил таткото
Објавено во: Македонија 22 Февруари, 2018
Според првичните сознанија од истрагата на штипската полиција 62-годишниот Т.Б., кој вчера беше пронајден мртов во неговиот дом на ул.„Сутјеска“, бил убиен од неговиот 29-годишен син Г.Б и негов пријател, на возраст од 24 години.
Портпаролот на СВР-Штип, Гордана Панајотова, вели дека најпрвин во раните утрински часови почнала кавга меѓу синот и починатиот Т.Б по што синот почнал да го удира со тупаници и тапи предмети, а потоа со нож му нанел смртоносни повреди во пределот на главата.
Синот на 62-годишниот Т.Б. и неговиот пријател, кои се осомничени за кривично дело убиство, се наоѓаат во Основниот суд во Штип, кај судија на претходна постапка.
Засега не се познати мотивите за убиството.