Кој е напаѓачот од Брисел?
Објавено во: Свет 21 Јуни, 2017
Терористот кој вчера во Брисел се обиде да изврши напад е идентификуван како О.З. 36-годишен Мароканец од предградието Моленбек.
Се истакнува дали напаѓачот ѝ бил познат на полицијата. Неговиот идентитет останува тајна.
Франс прес пренесува изјава на обвинителот дека експлозивната направа со која сакал да го изврши нападот содржела клинци и шишиња со гас.
Белгиската полиција соопшти дека по малата експлозија, војниците на централната железничка станица во Брисел совладале едно лице кое имало појас со експлозив.
Сведоци изјавија дека напаѓачот викал „Алаху акбар!“ (Господ е голем) пред да го активира експлозивот.
Во Моленбек по нападот од лани се извршени десетици рации во потрага по екстремисти.
Брисел, градот каде се наоѓаат седиштата на НАТО и ЕУ, е во состојба на висока готовност откако ќелија на „Исламска држава“ организираше напад во кој беа убиени 130 луѓе во Париз во ноември 2015 година.
Во Брисел, четири месеци подоцна, во март 2016, бомбаши-самоубијци во напад убија 32 лица.