Кој им прави друштво на Груевски и Мијалков на црната листа на САД?

Или Ндроќи е сопственик на телевизија Ора њуз, како други пишани медиуми, чиј имот беше запленет од албанската влада во 2020 и 2021 година за претходни криминални активности. Ндроќи ги користел медиумите кои биле под негова контрола за да изнудува и уценува албански граѓани преку барање пари и купување огласи во замена за необјавување на негативни написи во медиумите. Тој посредувал за поткуп во име на ентитет кој сакал да прави бизнис во Албанија.

„Аќиф Ракипи е озлогласен поранешен пратеник од Елбасан, Албанија, кој има штетно и дестабилизирачко влијание врз политичките процеси во Албанија. Бројни организирани криминални групи во Албанија нуделе пари, подароци или слободни работни места или отстапки во замена за гласови за нивната омилена политичка партија. Ракипи долго време е вмешан во организиран криминал и е тесно поврзан со организирана криминална група, во која има политичко влијание, вклучително и преку корупција. На пример, Ракипи го искористил своето политичко влијание за да назначи свои пријатели на клучни јавни позиции во Елбасан и Тирана. Ракипи го загуби мандатот како пратеник во албанскиот парламент, откако обвинителите ја потврдија неговата улога во криминални активности под псевдоним“, наведуваат албанските медиуми.

Канцеларијата за контрола на странски капитал (ОФАЦ) при Министерството за финансии на САД денеска ја прошири листата со уште седум лица од четири земји од Западен Балкан, јавија од американскиот Стејт департмент.

Покрај поранешниот премиер во бегство, Никола Груевски и поранешниот прв човек на на Управата за безбедност и контраразузнавање (УБК), Сашо Мијалков, на листата се најде и фирмата која што Груевски ја отвори во Унгарија минатата година. Станува збор за компанијата I.C.I.C. LTD со адреса во Унгарија, која што е отворена на 15 јули 2021 година, а Стејт департментoт ја поврзува со поранешниот премиер Груевски.

На листата се наоѓаат и лица од Албанија, Босна и Херцеговина, Црна Гора и Србија кои се цел на Извршната уредба 14033, според која се казнуваат сите оние што претставуваат закана за стабилноста на регионот преку извршени акти на корупција, криминални активности и друго дестабилизирачко однесување, изјавија од Стејт департментот. Економски санкции се воведуваат за нив и за уште еден ентиет.

На листата е и Гордана Тадиќ од Босна и Херцеговина од канцеларијата на главниот обвинител. За неа е наведено дека го искористила своето влијание за да се меша во судските процеси.

„Поточно, постојат веродостојни информации дека Тадиќ манипулирал со случаи за да ги заштити политичките покровители од гонење и не успеал да ги додели случаите на обвинителите преку автоматизиран систем за дистрибуција на предмети дизајниран да ги спречи одлуките за доделување обвинител врз основа на лични или политички причини“, стои во соопштението. 

Од Стејт департментот велат дека денешната акција ја засилува заложбата да се промовира одговорност за актерите од регионот на Западен Балкан. 

Проширувањето на црната листа е донесено во согласност со декретот на претседателот на САД, Џо Бајден од минатата година со кој се дава овластување на сојузните власти да блокираат имот и да забранат влез на сите лица за кои администрацијата во Вашингтон ќе оцени дека работат на штета на клучните договори во регионот на Западниот Балкан и во Северна Македонија.

Инаку, Груевски тврди дека ова е направда и дека од власта лобирале за да го стават на црната листа.