Кој прави топ коктел-ќе се бира најдобриот македонски бармен!
Објавено во: Стил 23 Април, 2013
Од 25 до 27 април во Скопје ќе се одржи Шестото државно првенство на бармени. Според најавите на организаторот, натпреварувачкиот дел на првенството во Метрополис Арена кое е дел од Меѓународниот саем за туризам, ќе почне на 25 април во 11 часот со квалификации, а финалето во класична подготовка и флертендинг е предвидено во 16 часот, истиот ден.
Победникот од првенството, кое е во организација на Здружението на бармени на Македонија, патува на меѓународниот натпревар "World Coctail and Flair Tending Competition“ во Прага, Чешка Република.
Според Здружението на бармени, менаџерите на кафе-баровите се повеќе покажуваат интерес за коктел-мајсторите, а агенциите за посредување за работа во странство во сегментот угостителство, потврдуваат дека оваа професија е виза за подобар почетен статус. Со своето делување, сметаат од Здружението, го подигнале нивото на угостителството во државата.
Здружението на бармени на Македонија како непрофитна и невладина организација постои од 2005 година, а од 2007 е полноправен член на Меѓународната асоцијација на бармени.Можеби ќе ве интересира
Мемедоски е македонскиот претставник на „Светскиот избор за Мис и Мистер за глуви“ во Прага: Бог ме направил различен од другите, но ми подарил повеќе таленти
