Кока-Кола брои загуби, купувачите се повеќе бегаат од шеќер
Објавено во: Економија 27 Октомври, 2016
Забавениот раст на глобалната економија и оддалечувањето на потрошувачите од засладени сокови „ја нагризаа“ продажбата на Кока-кола шести квартал по ред.
Сето ова ја намалило кварталната добивка на овој американски произведувач на безалкохолни пијалоци за 28 отсто.
Приходите на Кока-Кола ширум светот во кварталот заклучно со 30 септември паднале за седум отсто на годишно ниво, на 10,6 милијарди долари, при што најголем пад на приходите е регистриран во регионите на Латинска америка, но и Европа, Африка и Блискиот исток, пренесе Франс прес.
Растот на приходите во Северна Америка бил силен, но Азија како уште еден клучен пазар за компаниите, евидентирала само благ раст на приходите, се наведува во соопштението на компаниите.
Во тој квартал, нето добивката на компаниите изнесувала 1,05 милијарди долари, што е голем пад во однос на 1,45 милијарди долари од истиот период лани.
Продолжуваме да бележиме солидни резултати на нашите развиени пазари“, изјавил претседателот и генерален директор на Кока-кола, Мухтар Кент.
Да потсетиме, Владата на Португалија предложи воведување данок на газирани и други слатки пијалоци почнувајќи од 1 јануари 2017 година.