Колкав економски раст и прогнозира ЕК на Македонија?

Република Македонија се очекува оваа година да има економски раст од 3,2%. 

Ова е според прогнозата на Европската комисија. 

Романија е лидер со 4,4% раст на БДП, а зад неа е Луксембург. Потоа следуваат Малта, Унгарија и Ирска, додека на шестата позиција се рангирани Македонија и Полска со идентична прогноза за раст на БДП од 3,2%.

За следната година од Македонија се очекува подобрување на перформансите и раст од 3,6%. Истото се очекува и од Словачка.  Анализата на потенцијалот на македонската економија покажува дека може да се очекува намалување на невработеноста до 23,2% годинава, односно 22% во 2018 година. За фискалната политика на нашата држава, ЕК смета дека истата „останала пресретлива во текот на годината“ и тоа со два ребаланса на буџетот донесени во средината на годината, што обезбедило стимул за раст. Тука се вклучени еднократните исплати за жртвите на летните поплави, како и дополнителното просечно зголемување на пензиите од пет проценти во декември минатата година. За Македонија се предупредува дека „очекуваното економско јакнење е доведено во ризик од континуираната политичка неизвесност по изборите во декември 2016 година“ и дека тоа „би можело да го потисне приватниот инвестициски раст и да ја задуши потрошувачката на домаќинствата“. 

„Европската економија се покажа отпорна на бројните шокови што ги доживеа во текот на изминатата година. Растот се држи нагоре (во позитива), а невработеноста и дефицитот се движат пониско. Сепак, повисокото ниво е неизвесно, и што е поважно ги користиме сите алатки на политиките за поддршка на растот. Пред сè, ние мора да се осигураме дека благодетите од растот ќе се почувствуваат во сите делови на еврозоната и во сите сегменти на општеството“- изјави Пјер Московици, еврокомесар за економски и финансиски прашања, даноци и царина.

Европската комисија во зимската економска прогноза, презентирана денеска во  Брисел, очекува безмалку раст кај сите земји членки, а во еврозоната тој ќе биде 1,8 % во оваа и во наредната година.