Колку пари завршија во џебовите на граѓаните со МојДДВ?
Објавено во: Економија 18 Јуни, 2020
Со помош на мерката МојДДВ, 10,7 милиони евра завршиле во џебовите на граѓаните.
Од СДСМ информираат дека од почетокот во јули 2019 година до март 2020 година, односно за 9 месеци, на граѓаните им е извршен поврат на ДДВ од 10,7 милиони евра.
Ова значи и намалување на сивата економија.
„За периодот октомври-декември 2019, повратот е повисок 35,8 отсто во однос на претходното тримесечје, а за перидотот јануари-март 2020, повратот е повисок 37,8 отсто во однос на претходното тримесечје“, стои во соопштението.
Мој ДДВ ќе придонесе и за ревитализирање на домашната економија.
„Граѓаните што ќе купуваат и скенираат сметки за домашни производи, наместо 15 отсто, ќе добиваат 20 отсто поврат на ДДВ, а за другите производи повратот ќе изнесува 10 отсто. Концептот парите назад кај граѓаните и натаму останува еден од главните приоритети на СДСМ, кој ќе го продолжи и по победата на предвремените парламентарни избори на 15 јули“, додаваат од СДСМ.