Колку поранешни пратеници побарале апанажа?
Објавено во: Македонија 08 Јуни, 2017
39 поранешни пратеници побарале апанажа.
Собраниската Комисија за прашања на изборите и именувањата утре ќе решава за барањата на 39 пратеници од минатиот собраниски состав за апанажа, односно месечен надомест од околу 1.000 евра во рок од една година.
Во согласност со Законот за плата и други надоместоци на пратеници и Законот за пратеници, тие имаат право во рок од 30 дена по престанувањето на функцијата да побараат апанажа за една година. Ако некој од пратениците има шест месеци до пензија по завршувањето на рокот за добивање апанажа од една година, има право да побара продолжување.