Колку терористи убила Русија во Сирија за една година?
Објавено во: Свет 09 Октомври, 2016
Русија убила околу 35 000 екстремисти во Сирија од почетокот на воздухопловната кампања таму пред една година, соопшти Министерството за одбрана во Москва, цитирано од американските медиуми.
Заменик-министерот за одбрана, Анатолиј Антонов изјави за новинарите дека меѓу убиените екстремисти се 2700 граѓани на Русија и другите поранешни советски републики.
АП потсетува на тврдењето на рускиот претседател, Владимир Путин дека меѓу 5.000 и 7.000 лица од Русија и други земји се борат на страната на џихадистите од „Исламска држава" и други терористички групи во Сирија.
Според Антонов со помош на руските сили во Сирија биле ослободени 586 населени места и над 12 000 квадратни километри територии.