КОМПЈУТЕРЏИИТЕ ГО ЗГОЛЕМУВААТ ПРОСЕКОТ – еве кои сектори се најдоа меѓу ТОП ПЕТТЕ НАЈВИСОКИ ПЛАТИ во Македонија

Добивај вести на Viber

Македонските компјутерџии повторно го кренаа просекот на платите во земјава. Традиционално вработените во секторот комјутерско програмирање се најдоа на врвот меѓу топ петте највисоки плати во Македонија за месец декември.

Како што вчера објавивме, просечната плата, според најновите податоци на Државниот завод за статистика, просечната нето плата во последниот месец од 2023 година за малку не заокрижи 40 илјади денари.

Бројките на ДЗС откриваат дека секторот „компјутерско програмирање, консултантски и сродни дејности“повторно се на врвот. Вработените во оваа бранша земале највисоките плати кои за малку не достигнале 100 илјади денари, или точно 98.307 денари. 

Веднаш за нив се воздухопловците. Нивните плати во декември, и покрај сите скандали кои го брануваа секоторот изминатиов период, биле навистина поголеми од приливите на поголемиот дел од вработените во земајва. Па така за месец декември во џебовите на вработените во секотр „Воздухопловен транспорт“ се слеале 80.881 денари.

Трети на листата се вработните во сектор „Останати стручни, научни и технички дејности“, и вработените во оваа област во декември земале 63.005 денари на основ плата.

Фармацевтите се четврит на листата највисоки плати. Имено работниците кои работат во сектор  „Производство на основни фармацевтски производи и фармацевтски препарати“ во последниот месец од минатата година на своите сметки добиле просечно по 60.325 денари.

Последни, но ни најмалку за потценување, на оваа листа на највисоки ТОП ПЕТ ПЛАТИ меѓу работниците се вработени во секторот во сектор „Складирање и помошни дејности во превозот“ чии плати во декември изнесувале 57.338 денари.

Фото: Фактор