Ковачевски: Дехари треба да прави прослави за сите
Објавено во: Македонија 28 Март, 2023
Премиерот Димитар Ковачевски, како коментар на новинарско барање, рече дека градоначалникот Фатмир Дехари за прославата „10 години гордост, историски час на Кичево под албанска власт“.рече дека треба да прави прослави за сите граѓани од општината.
„Северна Македонија е мултиетничка држава и ние сме држава во која граѓанските права му се најзагарантирани на секого споредено со други во регионот, а јас велам и во Европа.
Она што се случуваше во Кичево, според мене, е несоодветно, бидејќи градоначалникот Дехари е почитуван градоначалник избиран неколку пати. Го избрале граѓани, не од една етничка заедница, туку од неколку етнички заедници. Тој е градоначалник на сите етнички заедници кои живеат во Општина Кичево. Кога се прават прослави, треба да се прават прослави за сите од општината кои живеат во неа“, искоментира Ковачевски.