Ковачевски вели дека не знае кој е Џамбаски и не ја слушнал изјавата за македонизмот
Објавено во: Македонија 11 Октомври, 2022
Не знам кој е тој човек, а македонизмот секогаш ќе го има, вели македонскиот премиер Димитар Ковачевски за провокациите на бугарскиот европратеник Ангел Џамбаски.
Ковачевски вели дека постојат имиња кои треба да ги зближуваат двете земји.
За изјавата на Џамбаски, околу тоа дека „Југославија се распадна, време е да се урне нејзиниот последен бастион – македонизмот“, Ковачевски рече дека не знае кој е тој човек и не ја слушнал изјавата.
Џамбаски рече дека политичарите крај Вардар треба да сфатат дека нивниот страв од колапс на лагата не ги оправдува омразата и репресијата кон Бугарите. Тој редовно упатува провокации кон Македонија.