Кржалоски: Антиреформаторите од СДС им ја одземаа можноста на младите за дисперзирани студии

Добивај вести на Viber

Лука Кржалоски од УМС ВМРО-ДПМНЕ ја искритикува новата влада на СДСМ дека воведува анти-реформи со укинување на дисперзираните студии кои биле можност за многу млади луѓе низ цела Македонија.

„Владата на СДС, не е реформска, туку антиреформска. Владата на СДС почна на дело да ја спроведува деструктивната политика што ја промовираа нивните идеолози како Фрчкоски кој срамно и навредливо најави, дека секое село не заслужува факултет и дека треба да се укинат 35 факултети“, рече Кржалоски.

Со укинувањето на дисперзираните студии се предизвикува огромна штета врз образовниот процес и се ускратуваат бенифициите кои им биле достапни на студентите во изминатите 10 година.

Отворањето на дисперзираните студии кои минативе години кои се покажаа како извонредна можност која секоја година ја искористуваа околу 15% од вкупниот број на студенти што го продолжуваа образованието на високо образовна установа, односно тоа се некаде околу 2.000 до 2.500 студенти кои наместо да патуваат секој ден или да се преселат во друг град поради уписот на факултет, одлучуваа да студираат во своето место на живеење или во неговата непосредна околина. Ваквата мерка во изминативе 9 години беше искористена од над 20.000 граѓани, бројка што сама по себе говори за успехот на овој проект, посочи Кржалоски на прес конференција на ВМРО-ДПМНЕ.

Оваа мерка им овозможуваше на студентите да заштедат средства по основ на патување, сместување и исхрана, но и да заштедат средства по однос на уписнина. Студирањето на дисперзираните студии каде предаваат истите професори и се учи по истите наставни програми, материјали и учебници од кои се учи и на матичните високо образовни установи од каде се изведени, чини само 100 евра годишно.

Единствената причина поради која е укината ваквата мерка е тоа што дисперзираните студии се идеја, односно мерка воведена од страна на Владата предводена од ВМРО–ДПМНЕ со цел обезбедување што поголема достапност на високото образование за сите граѓани, смета Кржалоски.