Кушадаси го стресе земјотрес од 4.2 степени
Објавено во: Балкан 08 Мај, 2017
Познатиот туристички центар Кушадаси во Турција беше погоден од земјотрес со јачина од 4,2 според Рихтеровата скала претпладнево, во 11.47 часот по локално време. Земјотресот најмногу се почуствувал во округот Ајда, во западна Турција, објави електронското издание на весникот „Хуриет“.
Според турската Дирекција за управување со кризи и вонредни ситуации, земјотресот бил на длабочина од 7,19 километри.
Потресот, што бил почувствуван и во соседниот округ Измир, не предизвикал никакви поголеми оштетувања.