Лабораторијата на МЕПСО прва во земјава со меѓународен стандард ISO/IEC 17025:2006
Објавено во: Мои пари 02 Ноември, 2017
Лабораторијата за испитување на изолациски материјали на МЕПСО доби акредитација согласно меѓународниот стандард MKC EN ISO/IEC17025:2006. Со тоа стана прва сертифицирана лабораторија во земјава за испитување на 10 својства на изолациски материјали што се користат во трансформатори и прекинувачи.
Лабораторијата е сертифицирана за испитување на следниве својства на изолациски материјали: густина, талог, диелектрична цврстина, коефициент на диелектрични загуби, специфичен електричен отпор, содржина на вода, точка на палење, кинематска вискозност, земање примероци за изолациски масла и испитување на квалитет на SF6 гас. Сертификатот за акредитација бр. ЛТ 068 согласно стандардот MKC ENISO/IEC 17025:2006 овој месец го издаде Институтот за акредитација на Република Македонија.
Лабораторијата за изолациски материјали е организациски дел одподружницата Оператор на преносната мрежа (ОПМ), во составот на МЕПСО. Лабораторијата за испитување изолациски материјали е основана во 2000 година за периодични испитувања на квалитетот на изолациските масла (трансформаторско масло и масло за прекинувачи). Опремена е со современа опрема за испитување на 10 различни физичко-хемиски карактеристики на маслата. Во 2011 година се опреми и со инструмент за on-line испитување на квалитетот на SF6 гас што се користи како изолациски медиум во прекинувачите. Оваа година МЕПСО за потребите на лабораторијата набави и гасен хроматограф за следење на состојбата на гасовите во енергетските и мерните трансформатори.
Можеби ќе ве интересира
Успешен и профитабилен прв квартал од 2024 за НЛБ Банка
АСО: Неоправдано поскапување на задолжителното автомобилско осигурување
ТРИКРАТНИОТ ШАМПИОН ИГОР ИЏЕ СТЕФАНОВСКИ ВО ПОХОД ПО НОВА ЕВРОПСКА ТИТУЛА
„A1 Academy” заокружи уште еден успешен модул – Бизнис аналитика
Хуманитарен велигденски настан во Веро центар за лицата со церебрална парализа
Караванот „Не е до нив, до тебе е“ утре патува во Скопје и во Охрид
ВЕЛИГДЕНСКИ БОНУСИ ВО ПРОГРАМАТА ЗА ЛОЈАЛНОСТ НА 2win.мк
Прашања од граѓански организации до политичките партии пред следниот изборен круг
„Позитивниот избор од НЛБ Банка многу не израдува, тоа е потврда дека со нашата активност сме на вистинскиот пат“: Роберт Петрушевски еден од финалистите на пороектот на НЛБ „Рамка за помош“
